CERATUM CALAMINÆ

℞ Recipe Calaminæ præparatæ, Ceræ flavæ, singulorum uncias septem cum semisse, Olei Olivæ libram unam.

Adhibe oleum ceræ liquefactæ; tum, ubi primum durescere incipiant, Calaminam adjice, et assidue move, donec refrixerint.

PILULÆ GALBANI COMPOSITÆ

℞ Recipe Galbani Gummi-resinæ unciam, Myrrhæ, Sagapeni, singulorum unciam cum semisse, Asafœtidæ Gummi-resinæ unciam dimidiam, Syrupi quantum satis sit.

Simul contunde, donec corpus unum sit.

TINCTURA ALOËS COMPOSITA

℞ Recipe Aloës spicatæ Extracti contriti, Croci Stigmatum, singulorum uncias tres, Tincturæ Myrrhæ octarios duos.

Macera per dies quatuordecim, et cola.